ଚିହ୍ନିତ ନଥିଲି ଜାଣିତ ନଥିଲି ମୁୁଁ ତତେ,
ଏଇ ଅଳପ ଦିନର କଥା ଭିତରେ ଭଲ ଲାଗିଲୁ ତୁ ମତେ
ମନଖୋଲି ମୁଁ ଯେ କହିଦେଲି ବୋଲି,
ଭୁଲ୍ ବୁଝିବୁନି ମତେ ।
ଦେଖିନି ତୋ ଚେହେରା ମୁଁ କେବେ,
କଥାରେ କଥାରେ କିମିଆ କଲୁ ବାନ୍ଧି ହୋଇଗଲି ମୁଁ ସତେ ।
କେମିତି କହିବି କଅଣ କହିବି
ଜାଣି ମୁଁ ନଥିଲି ସତେ,
ମନର କଥାକୁ ମନରେ ନ ମାରି କହିଦେଲି ବୋଲି
ଭୁ୍ଲ୍ ବୁଝିବୁନି ମତେ ।
ବେଶୀ ଠାରୁ ବେଶୀ ଭଲ ଲାଗିଲୁ ତୁ ମତେ,
କଥାରେ କଥାରେ କିମିଆ କରି
ବାନ୍ଧିତୁ ଦେଇଛୁ ତୋ ସ୍ନେହ ଡୋରିରେ ମତେ ।
ନିଜଠୁ ନିଜର ଭାବିଦେଲି ବୋଲି ,
ଭୁଲ୍ ବୁଝିବୁନି ମତେ ।
ତୋ ପାଇଁ ଭୁଲିଛି ସବୁ ସମ୍ପର୍କ
ସବୁ କିଛି ଏବେ ଅଲୋଡା ମୋ ପାଇଁ,
ଅଛି ଯେତେ ଧନରତ୍ନ,
ଅମୂଲ୍ୟ ରତ୍ନ ତତେ ସଜେଇଛି ବୋଲି
ଭୁଲ୍ ବୁଝିବୁନି ମତେ ।
ହୃଦ ମନ୍ଦିରରେ ଦେବତା ସଜେଇ ପୂଜେ ମୁଁ ତୁମକୁ ସତେ,
ତତେ ନ ପଚାରି ତୋ ପୂଜାରିଣୀ ସାଜିଛି ବୋଲି
ଭୁଲ୍ ବୁଝିବୁନି ମତେ ।
ଏ ଜନ୍ମରେ ନ ହେଲା ନାହିଁ,
ଅପେକ୍ଷା କରିବି ମୁଁ ତତେ,
ତୋ ପ୍ରେମ ପରଷ ପାଇବା ପାଇଁ କି,
ସବୁ ଭୁଲିଯିବି ସତେ ।
ସବୁକିଛି ଛାଡି ତତେ ଖୋଜେ ବୋଲି
ଭୁଲ୍ ବୁଝିବୁନି ମତେ ।
©® ଅକ୍ଷୟ ସାହୁ
