ଅନାବନା ଅନେକ ଭାବନା
ମନରେ ମୋ ଲଗାମ ନାହିଁ,
ଅଶାନ୍ତ ଏ ନିରୀହ ହୃଦୟ
କିନ୍ତୁ ଆଜି ଡର ଲାଗେ କାହିଁ ।
ହଁ ମନ ଗୋଟେ ଉଡା ଚଢେଇ
ଉଡିବାର ଠିକଣା ବି ନାହିଁ,
କିନ୍ତୁ ଉଡି ଉଡି ଆଜି ସେ କ୍ଲାନ୍ତ
ଏ ନୀରବତା ବୋଧେ ସେଥିପାଇଁ ।
ଉଡିଥିବା ପଥର ଦୂରତାକୁ
କେବେ କେହି ମାପିନାହିଁ,
ଅନେକ ଦୁଃଖ ଆଉ ଯାତନା
କିଏ ଅବା ଜାଣିଅଛି କାହିଁ ।
ଏତେ ସବୁ ପରେ ବି ଏ ମନର
ସାହସ ଦେଖି,
ଆଜି ମୁଁ ନିଶ୍ଚିତ ଯେ
ଉଡିବାକୁ ବହୁ ଦୂର ଅଛି l
ମାନିବାକୁ ପଡିବ ମୋତେ
ଆଉ ମୋର ସରଳ ମନକୁ,
ଏ ହୃଦୟ ଆଜି ବି ବିଚଳିତ
ହେଲେ ପଚାରିବି ଅବା କାହାକୁ
ଅନାବନା ଅନେକ ଭାବନା ।