ଆସିଲା ବସନ୍ତ ପହଲି ଫଗୁଣେ
କୋଇଲିର କୁହୁତାନ
କୋଇଲିର ସ୍ୱର ମନ ମତାଣିଆଁ
ପୁଲକତି ତନୁମନ ।
ଶୁରଭିରେ ଭରା ଏ ଧରଣୀ ରାଣୀ
ଅଳିର ମଧୁଗୁଞ୍ଜନ
ମନୋରମ ଦୃଶ୍ୟ ଆଖିଲାଗି ଯାଏ
ଫେରାଇ ହୁଏନି ମନ ।
ଚୂତ ବୃକ୍ଷ ରାଜି ବଉଳେ ଶୋଭିତ
ଚତୁର୍ଦିଗ ମହକାଇ
ଦୋଳ ଦୋଳିରେ ଶ୍ରୀରାଧା ବଲ୍ଲଭ
ଉଲ୍ଲସିତ ହୁଏ ମହି।
ଦୋଳଯାତ ପାଇଁ ପଲ୍ଲୀ ଉଠେ ଚେଇଁ
ସବୁରି ପରାଣେ ହସ
ସୁନୀଳ ଗଗନେ ରବି ଉଠେ ହସି
ଶାନ୍ତ ସ୍ନିଗ୍ଧ ପରିବେଶ ।
ବସନ୍ତର ରାଜା ପୁଷ୍ପକ ବିମାନେ
ସାରଥୀ ସାଜେ ମଳୟ
ଶୋଭାଶ୍ରୀ ମଣ୍ଡିତ ଋତୁରାଜ ଆଜି
ଭାଙ୍ଗିଲା ଶୀତ ବଳୟ ।
ସବୁରି ପରାଣେ ପ୍ରେମ ପ୍ରୀତି ଭରା
ମଧରୁ ମଧୁ ଲଗନ
ରାଜା ଆଗମନେ ତନୁ ମନ ପ୍ରାଣେ
ହୋଇଯାଏ ଆଜି ଧନ୍ୟ ।
©® ✍ ଅକ୍ଷୟ ସାହୁ