ତୁମ ପରି ଛୋଟ ପିଲାଟିଏ
ଗାଆଁ ଚାହାଳୀର ଚାଟ ସିଏ
ଚେହେରାଟି ତାର ଡଉଲ ଡାଉଲ
ପାଠରେ ତାହାର ସରି କିଏ ?
ଛାଡି ଯାଇଥିଲା ଦିନେ ଝଡି
ବାହାରିଲା ସିଏ ପାଠ ପଢି
ବାଟେ ଯାଉଯାଉ ଖସିଗଲା ଗୋଡ
ମୁଁହ ମାଡି ତଳେ ଗଲା ପଡି ।
ଗୁରୁଜୀ ଦେଖିଲେ ଦେହ ତାର
ପାଣି କାଦୁଅ ରେ ସର ସର
ତିଳେହେଁ ସେଥିକୁ ଖାତିରି ନକରି
ଆସିଛି ହୋଇ ସେ ତର ବର ।
ପଚାରିଲେ ଗୁରୁ ଏକି ହେଲା
ଏତେ ସରି ତୋତେ କିଏ କଲା
ପିଲାଟି କହିଲା ବେଗେ ଆସୁଆସୁ
କାଦୁଅରେ ଗୋଡ ଖସିଗଲା ।
ହେଲା ଦଶହରା ଛୁଟି ବେଳ
ପିଲାଟି ସଭିଙ୍କି କଲା ମେଳ
ମାଟି ଗୋଡି ବାଲି ପକାଇ ସଭିଏଁ
ଗାଆଁ ମାଟି କଲେ ସମତୁଲ ।
©®ଅକ୍ଷୟ ସାହୁ
